محتاج مشورتكم يا شباب اكرمكم الله

ازيكم يا شباب
اخباركم ايه؟!
انا حاليا شغال في شركة أدوية
باخد مرتب كويس الحمد لله
الشركة عندنا بتدي عربية بتملكها في خلال 4 سنين
عربيتي فات من عمرها معايا سنة ونصف يعني فاضلها سنتين ونصف ان شاء الله
دلوقتي جايلي فرصة عمل في السعودية بمرتب 4000 ريال
السكن عليهم
وتذاكر الطيران والفيزا عليهم
وهيدوني عربية هناك طبعا
دلوقتي انا كشخص منفرد لو هصرف هناك هصرف قد ايه تقريبا؟!
وهحوش قد ايه المفروض؟!
انتوا طبعا عارفين ان المشكلة كلها في التحويش اكيد الواحد هنا مش عارف يحوش قرش واحد !
هل العرض دا يستحق اني اضحي بالسنة ونصف بتوع عربيتي دي عشان انا طبعا هسلمها للشركة كدة ومش هاخد منهم حاجة !
منتظر آراؤكم يا شباب !

معدل الصرف بتاعك هنا في حدود من 1000 ل 1500 ريال ده المتوسط يعني لواحد لوحده

هو حضرتك في السعودية؟!
طيب ايه اخبار السعوديين مع المصريين؟!
واخبار متوسط المرتبات ايه في شركات الأدوية لو حضرتك تعرف؟!
يعني هل دا عرض كويس واللا لا ؟!

رقم هزيل لا يستحق انك تتنازل عن :
1- عربيتك .
2- اصحابك .
3- اهلك .
4- امانك .
5- كرمتك .
6- عزوتك .
7- حياتك كلها .

لو الرقم هيكون 7000 او اكتر كان ممكن اوفقك لكن 4000 ده رقم هزيل
و خالي بالك انت ممكن متصرفش هناك اكتر من 1500 لكن صدقني هتتعزب بال2500 الفاضلين
و هتندم و تقول يا ريتني ماسفرت .
يا تقرص عليهم في المرتب يزودوه يا تخليك قاعد في بلدك معزز مكرم .

اقتباس:

---

المشاركة الأصلية كتبت بواسطة sheko_2000eg

رقم هزيل لا يستحق انك تتنازل عن :
1- عربيتك .
2- اصحابك .
3- اهلك .
4- امانك .
5- كرمتك .
6- عزوتك .
7- حياتك كلها .

لو الرقم هيكون 7000 او اكتر كان ممكن اوفقك لكن 4000 ده رقم هزيل
و خالي بالك انت ممكن متصرفش هناك اكتر من 1500 لكن صدقني هتتعزب بال2500 الفاضلين
و هتندم و تقول يا ريتني ماسفرت .
يا تقرص عليهم في المرتب يزودوه يا تخليك قاعد في بلدك معزز مكرم .

---

+++1

خليك و اهو كمان سنتين و نص هتبقى العربية بتاعتك ساعتها ممكن تشوف فرصة احسن و هتكون الخبرة ان شاء الله زادت

البلد دى احسن من غيرها
علي الاقل انت ف وسط اهلك وكمان انت شغال ماشاء الله في شركة كبيرة ومرتبك كويس لو كان عكس كدا كنت قولتلك هج طبعا انشلة بنص المرتب
وبالتوفيق

اقتباس:

---

المشاركة الأصلية كتبت بواسطة ashraf_ibrahim

هو حضرتك في السعودية؟!
طيب ايه اخبار السعوديين مع المصريين؟!
واخبار متوسط المرتبات ايه في شركات الأدوية لو حضرتك تعرف؟!
يعني هل دا عرض كويس واللا لا ؟!

---

ايوه انا في السعوديه حاليا

بالنسبه للتعامل اكيد هيفرق من مكان للتاني علشان انا دكتور وهما اللي جايين وعايزين خدمه مش العكس فبالنسبه ليا - اوكي كويسين مفيش مشكله اه فيهم عالم مش محترمه وفاكرين اننا شغالين عندهم بس بالنسبه ليا الناس دي مش بسكتلهم ومش عاجبك روح كلم مدير المستشفى - طالما عارف شغلك ايه بالزبط محدش هيقدر يعمل فيهم حاجه - بس برده هتشوف تعنت وقله ادب وده من نسبه قليله

وغير المرضى باقي السعوديين في نفس المكان الصراحه محترمين جدا ومشفتش منهم حاجه وحشه


بالنسبه لشركات الادويه الصراحه معنديش فكره للاسف :(

4000 ريال مش فلوس و لو فكرت تتجوز و تاخد مراتك هتشحت عليها

ادخل هنا
http://www.nilemotors.net/Nile/259071-a.html
وهنا
http://www.nilemotors.net/nile/255793-a.html

جزاكم الله خيرا يا شباب
بصراحة مقصرتوش
ربنا يكرمكم يا رب
خلاص عدلت عن فكرة السفر بالعرض دا ورفضت العرض
جزاكم الله خيرا